98-sonli DMTTda kuz-qish mavsumiga tayyorgarlik holati o‘rganildi

Xalq deputatlari Mirzo Ulug‘bek tumani Kengashi deputati, Adolat SDP a’zosi Botir Nurmatov tomonidan okrugdagi 98-sonli davlat maktabgacha ta’lim tashkilotida kuz-qish mavsumiga tayyorgarlik holati hamda tarbiyalanuvchilar uchun yaratilgan shart-sharoitlar o‘rganildi.

O‘rganish davomida muassasaning isitish tizimi, bino xonalarining mavsumga tayyorgarligi, sanitariya-gigiyena talablari, tarbiyalanuvchilar uchun yaratilgan qulayliklar hamda bolalarning xavfsiz va sifatli ta’lim-tarbiya olishi uchun mavjud sharoitlarga alohida e’tibor qaratildi.

Shuningdek, kuz-qish mavsumini betalafot va barqaror o‘tkazish, muassasada issiqlik ta’minotini yaxshilash hamda tarbiyalanuvchilar uchun qulay muhitni ta’minlash yuzasidan mas’ullarga tegishli tavsiya va takliflar bildirildi.