KENGASH BINOSINI KAPITAL TA’MIRLASH ISHLARI YUZASIDAN O‘RGANISH O‘TKAZILDI

Xalq deputatlari Namangan shahar Kengashi raisi R. Isakov boshchiligida Kengash faoliyati uchun ajratilgan binoda kapital ta’mirlash ishlarini tashkil etish va amalga oshirishga tayyorgarlik holati o‘rganildi.

O‘rganishda Namangan shahar moliya bo‘limi boshlig‘ining birinchi o‘rinbosari U. Axmedxodjayev hamda kapital ta’mirlash ishlarini bajaruvchi quruvchi ishtirok etdi. Jarayon davomida binoda amalga oshirilishi lozim bo‘lgan ta’mirlash ishlari ko‘lami, ularni bajarish tartibi va belgilangan muddatlarga rioya etish masalalari muhokama qilindi.

Kengash raisi R. Isakov mas’ullarga kapital ta’mirlash ishlarini sifatli, puxta va belgilangan muddatlarda bajarish, qurilish talablariga qat’iy rioya etish hamda ishlarni tashkil etishda mas’uliyatni oshirish yuzasidan tegishli topshiriqlar berdi.

Shuningdek, ta’mirlash jarayonida bajariladigan ishlarning sifati va muddatlarini doimiy nazorat qilib borish, aniqlangan kamchiliklarni o‘z vaqtida bartaraf etish hamda yakuniy natijaga alohida e’tibor qaratish zarurligi ta’kidlandi.

Mazkur o‘rganish Kengash faoliyati uchun ajratilgan binoda kapital ta’mirlash ishlarini samarali tashkil etish, ularning sifatli bajarilishini ta’minlash va kelgusida samarali faoliyat yuritish uchun zarur sharoitlarni yaratishga qaratilgan.