Toshkent shahar hokimligi huzuridagi Fuqarolarning o‘zini o‘zi boshqarish organlari xodimlarining malakasini oshirish bo‘yicha o‘quv kurslarida “Mahalliy Kengash deputatlari va fuqarolarning o‘zini o‘zi boshqarish organlari hamkorlik munosabatlari” mavzusida seminar tashkil etildi.

📝 Mazkur seminarda Xalq deputatlari Toshkent shahar Kengashi kotibiyat mudiri, deputat

D. Ravshanbekov hamda Xalq deputatlari Olmazor tumani Kengashi raisi Sh.Umarxodjayeva ishtirok etib, mahalliy Kengashlar hamda mahalla institutlari o‘rtasidagi hamkorlikni yanada mustahkamlash, aholi muammolarini joyida hal etish hamda deputatlik nazorati samaradorligini oshirish yuzasidan fikr-mulohazalar bildirdi.

Shuningdek, D.Ravshanbekov va Sh.Umarxodjayeva mahalla tizimini rivojlantirish, xodimlarning jamiyatdagi nufuzi va maqomini oshirish, ijtimoiy sohadagi islohotlarni joylarda samarali amalga oshirishda deputatlarning mas’uliyati muhim ekanini ta’kidladi. Aholi bilan ochiq muloqot olib borish, mahalla yettiligi vakillari bilan hamkorlikda ishlash orqali belgilangan vazifalarni hayotga tatbiq etish zarurligi qayd etildi.

📌 Shuningdek, tadbir davomida mahalliy davlat hokimiyati vakillik organlari hamda fuqarolar yig‘inlari o‘rtasidagi o‘zaro hamkorlikni rivojlantirish, tizimli muloqot mexanizmlarini kengaytirish masalalari muhokama qilindi.

📉 O‘quv-seminar ishtirokchilar tomonidan qiziqish bilan qabul qilinib, unda ko‘tarilgan masalalar yuzasidan fikr almashildi hamda amaliy takliflar bildirildi.