Keyingi jılları elimizde jergilikli mámleketlik hákimiyat sistemasın reformalaw, aymaqlardaǵı mashqalalardı ornında sheshiw hám xalıq wákillikli uyımlarınıń tásirsheńligin arttırıwǵa qaratılǵan keń kólemli ózgerisler ámelge asırılmaqta. Sonıń ishinde, Oliy Majlis tárepinen qabıl etilgen nızamshılıq ózgerisleri tiykarında jergilikli Keńeslerdiń wákillikleri sezilerli dárejede keńeytildi.

Jańa wákillikler nelerdi óz ishine aladı?

✔️ Hákimlerdiń esap beriwin kúsheytiw - endi wálayat, rayon hám qala hákimleri áhmiyetli sociallıq-ekonomikalıq máseleler boyınsha jergilikli Keńesler aldında turaqlı esap beredi.

✔️ Byudjetti tastıyıqlaw hám qadaǵalaw - jergilikli byudjetlerdi qáliplestiriw, tastıyıqlaw hám onıń orınlanıwın qadaǵalawda deputatlardıń roli arttırıldı.

✔️ Aymaqlıq baǵdarlamalardı tastıyıqlaw - investiciya, sociallıq qorǵaw, infrastruktura hám bántlikke baylanıslı baǵdarlamalar Keńeslerdiń dodalawınan ótkeriledi.

✔️ Deputatlıq soraw hám qadaǵalaw mexanizmi - deputatlar atqarıwshı uyımlarǵa rásmiy sorawlar jiberiw hám anıq juwap talap etiw huqıqına iye.

Bul ózgerisler ne beredi?

▶️ Qarar qabıl etiwde ashıq-aydınlıq artadı

▶️ Aymaq mashqalalarına operativ sheshim tabıw imkaniyatı keńeyedi

▶️ Deputatlardıń juwapkershiligi hám belsendiligi kúsheyedi

▶️ "Xalıq - mámleketlik organlar ushın emes, mámleketlik organlar - xalıq ushın" principi ámelde támiyinlenedi.

Jergilikli Keńeslerge berilgen jańa wákillikler aymaqlıq rawajlanıw, jámiyetlik qadaǵalaw hám demokratiyalıq basqarıwdı bunnan bılay da bekkemlewge xızmet etedi.  

Xalıq deputatları Bozataw rayonlıq Keńesi sekretariatı.