DEPUTATLIK NAZORATI: ISHLAB CHIQARISH MAYDONLARIDAN SAMARALI FOYDALANISH O‘RGANILMOQDA

🏭 Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi tomonidan tumanda foydalanilmayotgan va bo‘sh turgan ishlab chiqarish maydonlaridan samarali foydalanish holati deputatlik nazoratiga olindi.

📄 Shu maqsadda doimiy komissiya raisi O‘tkirjon Shukurov tomonidan tuman hokimining birinchi o‘rinbosari T. Qosimovga rasmiy xat yo‘llanib, O‘zbekiston Respublikasi Vazirlar Mahkamasining 2019-yil 13-avgustdagi 666-son qarori talablari asosida tumanda mazkur yo‘nalishda amalga oshirilgan ishlar haqida batafsil ma’lumot taqdim etish so‘raldi.

🔎 Xususan, bo‘sh va foydalanilmayotgan ishlab chiqarish obyektlarini aniqlash, ularni iqtisodiy aylanmaga jalb etish, yangi investitsiya loyihalarini amalga oshirish hamda qo‘shimcha ish o‘rinlari yaratish borasidagi ishlar tahlil qilinadi.

📊 Mazkur o‘rganish orqali mavjud imkoniyatlardan samarali foydalanish, tadbirkorlik faoliyatini kengaytirish va tumanda yangi ish o‘rinlarini yaratishga to‘sqinlik qilayotgan muammolarni aniqlash hamda ularning yechimiga erishish ko‘zda tutilgan.

Deputatlik nazorati — iqtisodiy imkoniyatlarni ishga solish va aniq natijaga erishishning muhim vositasi.