Xalq deputatlari Qo‘qon shahar Kengashi raisi O‘.Tojieva tomonidan o‘zining saylov okrugi hududida joylashgan “Nurafshon” mahalla fuqarolar yig‘inida yoshlar bilan giyohvandlikning oldini olish va unga qarshi kurashish masalalariga bag‘ishlangan uchrashuv tashkil etildi.

Uchrashuv davomida yoshlar o‘rtasida sog‘lom turmush tarzini targ‘ib qilish, giyohvandlik va uning salbiy oqibatlaridan yoshlarni asrash, bo‘sh vaqtlarini mazmunli tashkil etish hamda ularni foydali mashg‘ulotlarga keng jalb etish masalalari muhokama qilindi.

Shuningdek, giyohvandlikka qarshi kurashishda oila, mahalla, ta’lim muassasalari va jamoatchilikning hamkorligi muhim ekani ta’kidlandi. Yoshlarni turli zararli illatlardan himoya qilish, ularning huquqiy va ijtimoiy xabardorligini oshirish yuzasidan fikr almashildi.

Samimiy muloqot davomida yoshlarning fikr va takliflari tinglanib, ularni qiynayotgan masalalar yuzasidan ham suhbat olib borildi.

Uchrashuv yakunida yoshlarni sog‘lom va faol hayot tarziga yo‘naltirish, ularning kelajagi uchun zarur shart-sharoitlarni yaratish hamda giyohvandlikning oldini olish borasidagi targ‘ibot-tushuntirish ishlarini yanada kuchaytirish lozimligi qayd etildi.

Xalq deputatlari Qo‘qon shahar Kengashi