🏛 Xalq deputatlari Shovot tumani Kengashining navbatdagi sessiyasi kun tartibiga kiritilgan Shovot tumani yo‘llardan foydalanish korxonasi davlat muassasasi direktori Saidov Mardon Bakiyevichning tumanda 2026-yil yanvar–avgust oylarida aholi murojaatlari bilan ishlash holati yuzasidan hisoboti masalasi doirasida sessiya oldidan Archazor mahallasida o‘rganish ishlari olib borildi.
📚 O‘rganish O‘zbekiston Respublikasi Prezidentining 2026-yil 1-apreldagi “Aholi bilan muloqot tizimini samarali tashkil qilish bo‘yicha qo‘shimcha chora-tadbirlar to‘g‘risida”gi PF-51-son Farmoni hamda O‘zbekiston Respublikasi Oliy Majlisi Senati Kengashining 2026-yil 22-iyundagi “Xalq deputatlari viloyat, tuman, shahar Kengashlari sessiyalarida mas’ul davlat organlari va tashkilotlari rahbarlarining murojaatlar bilan ishlash bo‘yicha axborot (hisobot)lari eshitilishini samarali tashkil qilish chora-tadbirlari haqida”gi KQ-360-V-son qarori talablari asosida tashkil etildi.
👥 O‘rganishda Oliy Majlis Qonunchilik palatasi deputatlari, Kengash Kotibiyati mudiri I. Masharipov, Kotibiyat bosh mutaxassisi U. Ro‘zmetov, Archazor mahallasi raisi hamda Shovot tumani yo‘llardan foydalanish korxonasi davlat muassasasi xodimlari ishtirok etdilar.
🚶‍♂️ O‘rganish davomida mahallada aholi tomonidan yo‘l infratuzilmasi bilan bog‘liq bildirilgan murojaatlar, ularning ko‘rib chiqilishi va amaliy hal etilishi holati, shuningdek, ichki yo‘llarning mavjud holati joyiga chiqqan holda o‘rganildi.
🗣 Mahalla raisi va fuqarolar bilan bevosita muloqot qilinib, yo‘llarni ta’mirlash, obodonlashtirish hamda mavjud muammolarni bartaraf etish yuzasidan taklif va murojaatlar tinglandi.
🔎 O‘rganish yakunlari bo‘yicha aniqlangan masalalar tahlil qilinib, ularni hal etish yuzasidan tegishli tashkilotlar bilan hamkorlikda amaliy choralar ko‘rish va mazkur masalalarni navbatdagi sessiyada muhokama qilish uchun zarur takliflarni shakllantirish belgilandi.
🤝 Aholi murojaatlarini joyida o‘rganish, ularning qonuniy va amaliy yechimini ta’minlash — xalq vakilligining muhim vazifalaridan biridir.