📍 Oliy Majlis Qonunchilik palatasi deputatlari, Kengash Kotibiyati mudiri I. Masharipov hamda Kotibiyat bosh mutaxassisi U. Ro‘zmetov ishtirokida Mevazor mahallasidagi ichki avtomobil yo‘llarining holati joyiga chiqqan holda o‘rganildi.
🚶‍♂️ O‘rganish davomida mahalla hududidagi ichki yo‘llarning mavjud holati, yo‘l qoplamalarining sifati, aholining harakatlanishi uchun yaratilgan sharoitlar hamda yo‘llarni ta’mirlash va obodonlashtirishga bo‘lgan ehtiyojlar ko‘zdan kechirildi.
📚 Shuningdek, O‘zbekiston Respublikasining “Avtomobil yo‘llari to‘g‘risida”gi Qonuni (O‘RQ-117-son) talablari ijrosi yuzasidan hududdagi mavjud holat tahlil qilindi.
🗣 O‘rganish jarayonida mahalla raisi, mahalla faollari va aholi vakillari bilan muloqot qilinib, ichki yo‘llarning holati bo‘yicha murojaat va takliflar tinglandi.
📌 Aniqlangan muammolarni bartaraf etish, ichki yo‘llarni ta’mirlash va aholiga qulay hamda xavfsiz harakatlanish sharoitlarini yaratish yuzasidan tegishli tashkilotlar bilan hamkorlikda amaliy choralar ko‘rish belgilandi.
🤝 Aholi murojaatlarini joyida o‘rganish va mavjud muammolarga amaliy yechim topish — deputatlik nazoratining muhim yo‘nalishlaridan biridir.