Aprel oyi sarhisobi

🗓 Aprel oyi davomida xalq deputatlari Uzun tumani Kengashi deputatlari tomonidan hududlarda 30 ga yaqin uchrashuv va o'rganishlar o'tkazilib, aniqlangan muammolarni hal etish maqsadida 20 ta deputatlik soʻrovi yuborildi.

🇺🇿 Tahlil natijalariga ko‘ra, deputatlar tomonidan yo‘naltirilgan so‘rovlar asosan aholini qiynab kelayotgan dolzarb masalalarni qamrab olgan bo‘lib, jumladan, kommunal xizmatlar, ichimlik suvi ta’minoti, yo‘l infratuzilmasi, bandlik hamda ijtimoiy himoya yo‘nalishlariga alohida e’tibor qaratilgan.

✔️ Shuningdek, so‘rovlarning ko‘rib chiqilish muddati, tegishli tashkilotlar tomonidan berilgan javoblarning sifati hamda amaliy natijadorligi tahlil qilindi. Ayrim yo‘nalishlarda ijro intizomini kuchaytirish zarurligi qayd etildi.
📈 O‘rganish yakunida deputatlik so‘rovlarining samaradorligini oshirish, ularni o‘z vaqtida va sifatli ko‘rib chiqilishini ta’minlash hamda aniqlangan muammolarni tizimli hal etish bo‘yicha tegishli tavsiyalar ishlab chiqildi.

🗣Mazkur tahlil deputatlik faoliyatini yanada takomillashtirish, fuqarolar murojaatlari bilan ishlash samaradorligini oshirish hamda joylardagi muammolarga tezkor va amaliy yechimlar topishga xizmat qiladi.