Hududda elektr ta’minoti yaxshilanmoqda

Xalq deputatlari Termiz tuman Kengashi deputati G.Shafoatova, Yangihayot MFY raisi hamda faollari ishtirokida hududda amalga oshirilayotgan ishlar joyiga chiqib o‘rganildi.

Aholining elektr energiyasiga bo‘lgan ehtiyojini to‘liq qondirish, mavjud muammolarni bartaraf etish hamda uzilishlarning oldini olish maqsadida yangi transformatorlar o‘rnatilib, elektr tarmoqlari bosqichma-bosqich yangilanmoqda.

O‘rganish jarayonida aholi bilan muloqot qilinib, ularning taklif va murojaatlari tinglandi hamda muammolarni hal etish yuzasidan tegishli chora-tadbirlar belgilab olindi.

Mazkur ishlar natijasida hududda elektr ta’minoti sifati va barqarorligi oshib, aholiga yanada qulay sharoitlar yaratilmoqda.