AHOLI MUROJAATLARI BILAN ISHLASHDA HAMKORLIK MUHIM

Xalq deputatlari Qo‘shko‘pir tumani Kengashi kotibiyati mudiri M. Tangriberganov, Kengash kotibiyati bosh mutaxassisi, Kengash deputati A. Erkinov hamda “MADAD” NNT rahbari R. Ibodullayev bilan birgalikda O‘zbekiston Respublikasi Prezidentining Qo‘shko‘pir tumanidagi Xalq qabulxonasida bo‘lishdi.
Tashrif davomida fuqarolar murojaatlari bilan ishlash, aholiga huquqiy masalalarda beg‘araz yordam ko‘rsatish hamda murojaat etuvchilarga amaldagi tartib-taomillarni tushuntirish bo‘yicha o‘zaro fikr almashildi.
Shuningdek, fuqarolarning muammolarini o‘z vaqtida aniqlash, ularning qonuniy huquq va manfaatlarini himoya qilish, murojaatlarni belgilangan tartibda ko‘rib chiqishda tegishli tashkilotlar bilan hamkorlikni kuchaytirish masalalariga e’tibor qaratildi.
Mazkur uchrashuv aholi murojaatlari bilan ishlash samaradorligini oshirish, fuqarolarning huquqiy savodxonligini yuksaltirish va ularga amaliy ko‘mak ko‘rsatishda hamkorlikni mustahkamlashga qaratildi.