Xalq deputatlari Kosonsoy tuman Kengashi sessiyasida tuman “Inson” ijtimoiy xizmatlar markazi hamda iqtisodiyot va moliya bo‘limlarining kelishuv xatiga asosan, Kosonsoy tuman hokimligi huzuridagi “Infratuzilma va ijtimoiy barqarorlik” jamg‘armasidan mablag‘ ajratish masalasi ko‘rib chiqildi.

🔹 Unga ko‘ra:

— D-107 Namangan shahri – Kosonsoy shahri – Qirg‘iziston Respublikasi chegarasi avtomobil yo‘lining 32–33-km oralig‘ida;

— D-113 Iskovat – Kosonsoy shahri – To‘raqo‘rg‘on shahri – Jomashuy shahri yo‘lidagi Soybo‘yi MFY hududida;

— A-373 avtomobil yo‘lining 11–12-km oralig‘ida

🚶‍♂️ Piyodalar xavfsizligini ta’minlash hamda yo‘l-transport hodisalarining oldini olish maqsadida yo‘lning ajratuvchi qismiga temir panjaralar o‘rnatiladi.

💰 Mazkur ishlarni amalga oshirish uchun jami 90 000 000 (to‘qson million) so‘m mablag‘ ajratish taklifi deputatlar tomonidan bir ovozdan ma’qullandi.