Xalq deputatlari tuman Kengashining 2026-yilga mo‘ljallangan ish rejasiga muvofiq Kengash raisi O.Babayev tomonidan tumanning “Novobod” mahallasida joylashgan 36-sonli umumta’lim maktabida o‘quvchilarning jismoniy tarbiya va sport bilan shug‘ullanishi uchun yaratilgan sharoitlar o‘rganildi.

🔵O‘rganish davomida maktabda jismoniy tarbiya darslarini tashkil etish, o‘quvchilarning sport mashg‘ulotlarida faol ishtirokini ta’minlash, mavjud sport anjomlaridan foydalanish imkoniyatlari hamda yoshlarning jismoniy faolligini oshirish borasidagi sharoitlarga e’tibor qaratildi. O‘rganish natijalariga ko‘ra, maktabda sport mashg‘ulotlarini tashkil etish uchun zarur sport anjomlari yetarli bo‘lib, o‘quvchilarning jismoniy tarbiya va sport bilan shug‘ullanishi uchun yaratilgan sharoitlar yaxshi deb baholandi.

🔵Ta’kidlash joizki, ta’lim muassasalarida jismoniy tarbiya va sportni rivojlantirish yosh avlodning sog‘lom voyaga yetishi, jismoniy chiniqishi, irodasi va jamoada ishlash ko‘nikmalarini shakllantirishda muhim ahamiyatga ega. Shu bois, mavjud sport infratuzilmasidan samarali foydalanish, o‘quvchilarni sport mashg‘ulotlariga keng jalb etish hamda ularning sportga bo‘lgan qiziqishini oshirib borish dolzarb vazifalardan hisoblanadi.

🔵O‘rganish yakunida maktabda yaratilgan sharoitlarni yanada takomillashtirish, sport anjomlarini asrab-avaylash, ulardan samarali foydalanish, jismoniy tarbiya mashg‘ulotlarini mazmunli tashkil etish va o‘quvchilar o‘rtasida sog‘lom turmush tarzini keng targ‘ib qilish yuzasidan tegishli tavsiyalar berildi.