Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston “Adolat” sotsial-demokratik partiyasidan saylangan deputat N.Nadirova tomonidan tumanning “Yangiqo‘rg‘on” mahallasida aholini markazlashgan ichimlik suvi bilan ta’minlash, mavjud muammolarni bartaraf etish hamda yangi suv tarmoqlarini tortish masalalari mutasaddilar ishtirokida muhokama qilindi.

🔺Muloqot davomida mahalladagi ichimlik suvi ta’minotining mavjud holati, aholining suvga bo‘lgan ehtiyoji, tarmoqlarning qamrovi va yangi quvurlarni tortish imkoniyatlari muhokama qilindi. Xususan, suv tarmog‘i mavjud bo‘lmagan yoki suv ta’minoti yetarli darajada yo‘lga qo‘yilmagan ko‘chalarni aniqlash, ularni bosqichma-bosqich markazlashgan tarmoqqa ulash bo‘yicha amaliy chora-tadbirlar belgilash masalasiga alohida e’tibor qaratildi.

🔺Muzokaralar davomida suv ta’minoti tashkiloti bilan hamkorlikda mahalladagi mavjud tarmoqlarning texnik holatini o‘rganish, yangi tarmoq tortilishi zarur bo‘lgan hududlarni belgilash va ushbu masalani tegishli dasturlarga kiritish imkoniyatlarini ko‘rib chiqish bo‘yicha kelishib olindi.