Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq Kengash kotibiyati mudiri J.Sadirov tumanning “T.Dadaboyev” va “Pskom” mahallasida istiqomat qiluvchi fuqarolarning yashash sharoitini tuman hokimi maslahatchisi X.Akmalov, tuman hokimligi mas’uli Sh.Samatov hamda “mahalla yettiligi” a’zolari ishtirokida “xonadonbay” o‘rganish ishlarini amalga oshirdi.

🔺O‘rganish davomida fuqarolarning yashash sharoiti, kommunal xizmatlar sifati, ichimlik suvi, elektr ta’minoti, yo‘l va infratuzilma masalalari hamda ijtimoiy qo‘llab-quvvatlashga oid murojaatlari tinglandi. Shuningdek, kam ta’minlangan oilalar, yolg‘iz keksalar va yoshlar bilan alohida suhbatlar o‘tkazilib, ularni qiynayotgan muammolar yuzasidan amaliy choralar belgilab olindi.

🔺Muloqotlar davomida aholi tomonidan mahallada olib borilayotgan obodonlashtirish ishlari, bandlikni ta’minlash va yoshlarni qo‘llab-quvvatlash borasidagi takliflar ham bildirildi.

🔺Deputat tomonidan bunday “xonadonbay” o‘rganishlar aholi bilan ochiq muloqotni kuchaytirish, muammolarni erta aniqlash va ularni tizimli hal etishda muhim ahamiyat kasb etishi ta’kidlandi.