Xalq deputatlari tuman Kengashi deputati J. Quriyazov tomonidan “Jismoniy va yuridik shaxslarning murojaatlari to‘g‘risida”gi Qonun ijrosining tuman hokimligida bajarilishi holati o‘rganildi.

O‘rganish davomida hokimlikda qonun talablariga muvofiq barcha zarur shart-sharoitlar yaratilgani aniqlandi. Statistik ma’lumotlarga ko‘ra, o‘tgan yilning shu davriga nisbatan murojaatlar soni 16 taga (215 tadan 199 taga) yoki 8 foizga kamaygan. Shuningdek, hokimlikka kelib tushgan 136 ta murojaatning 112 tasi, ya’ni 82 foizi ijobiy hal etilgan.

Shu bilan birga, o‘rganish jarayonida aniqlangan ayrim kamchiliklarni bartaraf etish yuzasidan tegishli chora-tadbirlar belgilandi.

Deputat tomonidan kelgusida takroriy va dublikat murojaatlarning oldini olish maqsadida nazoratni kuchaytirish, xodimlarning qonun mazmuni va mohiyati bo‘yicha bilimini oshirish uchun o‘quv seminarlarini tashkil etish, rag‘batlantirish va intizomiy choralarni qo‘llash yuzasidan amaliy tavsiyalar berildi.