🔷Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq Xalq demokratik partiyasidan saylangan deputat J.Sadirov tomonidan kotibiyat xodimi M.Tursunbayeva ishtirokida tumanning “Yoshlik” mahallasi saylovchilarining eng ko‘p e’tirozlariga sabab bo‘layotgan ichki yo‘llar holati o‘rganildi.

🔷O‘rganish davomida mahalla raisi Sh.Mirxaitov tomonidan:

     aholining asosiy qatnovi kuzatiladigan, temir yo‘l bekati joylashgan, yaqin atrofdagi 5 ta mahalla fuqarolar yig‘ini foydalanuvidagi qabristonga olib boruvchi Nizomiy ko‘chasining 1400 metr qismi;

     mahallada joylashgan Nuroniylar sanatoriysi hamda sayyohlar oqimiga ortishiga sababchi bo‘layotgan sharsharalarga olib boruvchi A.Yassaviy ko‘chasining 800 metri, Uzumzor mahallasining 900 metr, Beruniy ko‘chasining 900 metr, Amangeldi ko‘chasining 1200 metr qismlarini asfaltlashtirish bo‘yicha aholi tomonidan ko‘plab murojaatlar bildirilayotganligini ma’lum qildi.

🔷Shu bilan birga, mahallaga biriktirilgan bankir tomonidan fuqarolarga ajratilayotgan kredit mablag‘lari hamda ulardan foydalanish samaradorligi tahlil qilindi hamda mahalla raisi bilan mahallada huquqbuzarlik va jinoyatchilikni oldini olish bo‘yicha olib borilayotgan ishlar yuzasidan suhbatlashildi.

🔷Saylovchilarning qiynab kelayotgan muammolari yechimi yuzasidan mas’ullarga deputatlik so‘rovlari yuborilishi belgilab olindi.