Xalq deputatlari Xorazm viloyati Kengashining navbatdagi qarori qabul qilindi. Unga ko‘ra, fuqarolar tomonidan o‘zboshimchalik bilan egallab olingan yer uchastkalari hamda ularda qurilgan bino va inshootlarga bo‘lgan huquqlarni e’tirof etish jarayoni boshlandi.
Huquqlar qanday tartibda e’tirof etiladi?
🏡 Yakka tartibdagi uy-joylar egallagan yer uchastkalariga — 99 yil muddatga ijara huquqi;
🚜 Boshqa yer uchastkalariga — 49 yil muddatga ijara huquqi;
🏢 Ushbu yerlarda qurilgan bino va inshootlarga — mulk huquqi beriladi.
Mas’ul organlarning vazifalari belgilandi:
1️⃣ Davlat kadastrlari palatasi viloyat boshqarmasi — huquqlari e’tirof etilayotgan shaxslarning yer va binolarini belgilangan tartibda davlat ro‘yxatidan o‘tkazadi.
2️⃣ Tuman va shahar hokimlari — yer uchastkalarini ijara olish shartnomalari tuzilishini ta’minlaydi.
3️⃣ Viloyat adliya boshqarmasi — taqdim etilgan hujjatlarning va huquqlarni e’tirof etishning qonuniyligi yuzasidan xulosalar beradi.
📋 Qaror ijrosini nazorat qilish Xalq deputatlari viloyat Kengashining doimiy komissiyasi zimmasiga yuklatildi.
Yer va mulk huquqini rasmiylashtirish bo‘yicha batafsil ma’lumot olish uchun hududiy kadastr idoralariga murojaat qilishingiz mumkin.