Korrupsiyaga qarshi kurashish – adolat va taraqqiyot kafolati

Xalq deputatlari Termiz tuman Kengashi raisi S. Nazarov raisligida O‘zbekiston Respublikasining "Korrupsiyaga qarshi kurashish to‘g‘risida"gi Qonuni mazmun-mohiyatini keng targ‘ib etish hamda uning ijrosini samarali ta’minlash masalalariga bag‘ishlangan davra suhbati bo‘lib o‘tdi.

Tadbirda Xalq deputatlari Termiz tuman Kengashi kotibiyati mudiri A. Avliyakulov, tuman Kengashi deputatlari, davlat va jamoat tashkilotlari vakillari hamda mas’ul mutaxassislar ishtirok etdi.

Davra suhbati davomida korrupsiyaning oldini olish, davlat organlari va tashkilotlar faoliyatida ochiqlik hamda shaffoflikni ta’minlash, manfaatlar to‘qnashuvining oldini olish, fuqarolarning murojaatlari bilan ishlash tizimini takomillashtirish, xizmat vazifalarini vijdonan va mas’uliyat bilan bajarish masalalariga alohida e’tibor qaratildi.

Shuningdek, qonunda belgilangan normalarning amaliyotdagi ijrosi, korrupsiyaga imkon beruvchi omillarni bartaraf etish, halollik va qonun ustuvorligi tamoyillarini mustahkamlash, bu borada deputatlar hamda davlat tashkilotlarining o‘zaro hamkorligini yanada kuchaytirish yuzasidan fikr va takliflar bildirildi.

Tadbir yakunida korrupsiyaga qarshi kurashish faqat davlat organlarining emas, balki jamiyatning har bir a’zosi mas’uliyati ekani, halollik va shaffoflik tamoyillariga qat’iy amal qilish orqali yurt taraqqiyoti va xalq ishonchini mustahkamlash mumkinligi alohida ta’kidlandi.

Halollik – taraqqiyot garovi, korrupsiyaga qarshi kurashish esa barchamizning fuqarolik burchimizdir.