“Temur tuzuklari” — millat tafakkurini yuksaltiruvchi ma’naviy meros

🏦Amir Temur tavalludining 690 yilligi munosabati bilan Kosonsoy tumanidagi 22-umumta’lim maktabi kutubxonasida buyuk sarkarda va davlat arbobi merosiga bag‘ishlangan ma’naviy-ma’rifiy tadbir tashkil etildi.

   📥Tadbir doirasida sohibqironning mashhur asari — “Temur tuzuklari” mutolaasiga alohida e’tibor qaratildi. Unda ishtirokchilar asarda mujassam bo‘lgan davlat boshqaruvi, adolat, vatanparvarlik va yuksak ma’naviyatga doir g‘oyalar bilan yaqindan tanishdilar.

   ✨Tadbirda tuman Kengashi deputati Marhabo Barotova ishtirok etib, “Temur tuzuklari” asarining tarixiy va tarbiyaviy ahamiyati haqida so‘z yuritdi. U mazkur asar yosh avlodni milliy g‘urur, vatanga muhabbat va adolat ruhida tarbiyalashda muhim manba ekanini ta’kidladi.