Azizobod mahallasida saylovchilar bilan uchrashuv o‘tkazildi.

Xalq deputatlari Qiziltepa tumani Kengashi kotibiyat mudiri U.Bobojonov hamda Xalq deputatlari Navoiy viloyati Kengashining 15-Zarmetan saylov okrugidan saylangan viloyat Kengashi deputati N.Isoqov Azizobod mahalla binosida saylovchilar bilan uchrashdi.

Uchrashuv davomida fuqarolarning murojaatlari, muammo va takliflari tinglandi. Aholi tomonidan asosan ijtimoiy soha, infratuzilma, kommunal xizmatlar hamda bandlik masalalariga oid murojaatlar bildirildi.

Mas’ullar tomonidan har bir murojaatni atroflicha o‘rganish, ularni hal etish yuzasidan tegishli tashkilotlarga murojaatlar yuborish hamda amaliy choralar ko‘rish bo‘yicha tegishli vazifalar belgilab olindi.