504-SON QAROR IJROSI DEPUTATLIK NAZORATIDA

Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi tomonidan O‘zbekiston Respublikasi Vazirlar Mahkamasining 2021-yil 9-avgustdagi 504-son qarori ijrosi yuzasidan o‘rganish ishlari olib borilmoqda.

🔎 O‘rganish davomida mahallalarda “mahallabay” ishlash tizimi, oilaviy tadbirkorlikni rivojlantirish, aholining doimiy daromad manbalarini ko‘paytirish va kambag‘allikni qisqartirish bo‘yicha amalga oshirilayotgan ishlar tahlil qilinmoqda.

Jumladan, “og‘ir” mahallalarni aniqlash, “o‘sish nuqtalari”ni belgilash, hokim yordamchilari faoliyati, “yetakchi” tadbirkorlar bilan hamkorlik, ajratilgan kreditlarning maqsadli ishlatilishi, yaratilgan ish o‘rinlari hamda kredit olgan oilalarning amaldagi daromad manbalari o‘rganilmoqda.

📊 Deputatlik nazoratida asosiy e’tibor ajratilgan mablag‘ning o‘zlashtirilishiga emas, balki uning amaliy natijasiga — yangi ish o‘rni yaratilishi, oilaning doimiy daromadga ega bo‘lishi va kambag‘allikdan chiqishiga qaratilmoqda.

🤝Aniqlangan muammo va kamchiliklar yuzasidan mas’ullarga tegishli tavsiya va takliflar berilib, ularning ijrosi nazoratga olinadi.

Muammo → yechim → natija. Deputatlik nazorati — amaliy samara uchun!