Olmaliq shahrining "Navro'z" mahalla fuqarolar yig'inida aholi osoyishtaligi, ularning uzog'ini yaqin va og'irini yengil qilish borasidagi tizimli ishlar izchil davom ettirilmoqda.
Hudud deputati Abdujabbor Djurayev mahalla yettiligi bilan birgalikda aholidan kelib tushgan dolzarb murojaatlarni joyiga chiqqan holda atroflichta o'rgandi.

📍 Murojaatlar e'tiborda: Internet tarmog'i ulandi
Aholi vakillari tomonidan bildirilgan sifatli internet tarmog'iga ulanish borasidagi murojaat deputat va mas'ul tashkilot vakillari ishtirokida joyida tahlil qilindi. Yuzaga kelgan texnik masalalar zudlik bilan hal etilib, fuqarolarning zamonaviy zamonaviy aloqa xizmatlaridan foydalanish imkoniyati ta'minlandi.

🤝 Ijtimoiy himoya – ustuvor vazifa
O'rganishlar davomida mahalla ijtimoiy xodimining faoliyati ham atroflicha tahlil qilindi.
Fuqarolardan kelib tushgan murojaatlar birma-bir ko'rib chiqildi.
Ijtimoiy ko'makka muhtoj oilalar va fuqarolar masalalarini unumli hal etish bo'yicha aniq vazifalar belgilandi.
Yuzaga kelayotgan muammolarni vaqtincha emas, tizimli va uzil-kesil hal etish bo'yicha chora-tadbirlar rejasi tuzildi.
"Aholi bilan yuzma-yuz muloqot qilish, ularning dardu tashvishlarini eshitish va muammolarga tezkor yechim topish — faoliyatimizning bosh mezoni hisoblanadi."

Xalq vakillari va mahalla yettiligining bu kabi hamkorlikdagi doimiy muloqoti fuqarolarning davlatga va adolatga bo'lgan ishonchini yanada mustahkamlashga xizmat qiladi.