“Boyqishloq” mahallasida deputatlik nazorati doirasida o‘rganish ishlari olib borildi

👥 Xalq deputatlari Sherobod tumani Kengashining 25-Tallashqon saylov okrugi deputati, Kengash kotibiyati mudiri O.Tursunov tomonidan “Boyqishloq” mahallasida deputatlik faoliyatining ustuvor 24 yo‘nalishi doirasida deputatlik nazorati olib borildi.

📝 Nazorat tadbirlari davomida mahalla hokim yordamchisi A. Do‘stmurodovning faoliyati o‘rganildi. Jumladan, hududda aholi murojaatlari bilan ishlash, bandlikni ta’minlash, tadbirkorlikni rivojlantirish, ijtimoiy masalalarni hal etish hamda aholining muammolarini o‘z vaqtida aniqlash va bartaraf etish borasida amalga oshirilayotgan ishlar tahlil qilindi.

📌 Shuningdek, mahalladagi mavjud muammolar, ularni hal etish bo‘yicha ko‘rilayotgan choralar hamda kelgusida amalga oshirilishi lozim bo‘lgan vazifalar yuzasidan tegishli tavsiya va takliflar bildirildi.

✅ Deputatlik nazoratining asosiy maqsadi — hududlarda amalga oshirilayotgan ishlarning samaradorligini oshirish, aholi manfaatlarini ta’minlash hamda joylardagi muammolarni hal etishga ko‘maklashishdan iborat.