Xalq deputatlari Jondor tumani Kengashiga 23-Ko‘liyon saylov okrugidan saylangan deputat U.Ro‘ziyev hamda tuman Kengashi kotibiyati bosh mutaxassisi R.Murodovlar hamkorligida Ko‘liyon va Xumdonak mahallalarida olib borilayotgan ichki yo‘llarni asfaltlashtirish ishlari bilan tanishdilar.
✔️O‘rganish jarayonida hududlarda aholi uchun qulay va xavfsiz infratuzilmani yaratish, ichki ko‘chalarning sifatini yaxshilash hamda transport harakati uchun munosib sharoitlar tashkil etish maqsadida amalga oshirilayotgan ishlar ko‘zdan kechirildi. Mas’ullar tomonidan qurilish ishlarining sifati, belgilangan muddatlarda bajarilishi va yo‘llarning texnik talablarga mosligi yuzasidan fikr-mulohazalar bildirildi.
✔️Shuningdek, mahalla faollari va aholi vakillari bilan muloqot qilinib, ularning yo‘l infratuzilmasini yanada yaxshilash bo‘yicha taklif va murojaatlari tinglandi. Ta’kidlanganidek, bunday obodonlashtirish ishlari aholining turmush farovonligini oshirish, hududlarda harakat xavfsizligini ta’minlash hamda mahallalar ko‘rkini yanada yaxshilashda muhim ahamiyat kasb etadi.
✔️O‘rganish yakunida mutasaddilar tomonidan ishlar sifatli va tizimli davom ettirilishi bo‘yicha tegishli tavsiya va ko‘rsatmalar berildi.