Халқ депутатлари Конимех туман Кенгашининг “Миллий тикланиш” партиясидан сайланган депутати Рўзигул Муратова, Кенгаш котибияти бош мутахассиси Гулзада Умарова ва ХДП туман Кенгаши раиси Б.Утемуратов иштирокида Конимех тумани марказий истироҳат боғида олиб борилган реконструкция ишлари билан танишди.

Ташриф давомида боғни замонавий кўринишда қайта ташкил этиш, аҳоли учун қулай дам олиш шароитларини яратиш, ҳудудни ободонлаштириш ва кўкаламзорлаштириш ишлари, шунингдек, пиёдалар йўлаклари, ёритиш тизими, ўриндиқлар ҳамда болалар ва ёшлар учун мўлжалланган дам олиш майдончаларини кўздан кечирилди.

Қайд этилганидек, реконструкция ишлари аҳолига муносиб дам олиш муҳитини яратиш, ҳудуднинг эстетик қиёфасини яхшилаш ва туман марказининг жозибадорлигини оширишга хизмат қилади.