Yoshlarning bo’sh vaqtlarini mazmunli tashkil etish, ular o’rtasida intellektual salohiyatni oshirish maqsadida 8-Qalaychorbog’ saylov okrugi deputati R.Safarov, “MADAD” NNT tuman huquqiy maslahat byurosi bosh mutaxassisi M.Fatullayev hamkorligida shashka va shaxmat bellashuvi tashkil etildi.

Tadbir davomida yoshlar o’rtasida sog’lom raqobat muhiti shakllantirilib, ularning mantiqiy fikrlashi, tezkor qaror qabul qilish ko’nikmalari yanada rivojlantirildi. Bellashuv qizg’in va yuqori kayfiyatda o’tdi.

Yakunda g’olib va faol ishtirokchilar deputat va tashkilotchilar tomonidan munosib taqdirlandi. Bunday tadbirlar yoshlarni har tomonlama qo’llab-quvvatlash, ularni ezgu maqsadlar sari yo’naltirishda muhim ahamiyat kasb etadi.