VOYAGA YETMAGANLAR BILAN ISHLASH HOLATI O‘RGANILDI
Xalq deputatlari Pastdarg‘om tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan voyaga yetmaganlar o‘rtasida huquqbuzarliklarning oldini olish, ularga jamoat tarbiyachilarini biriktirish amaliyoti o‘rganildi.
O‘rganish jarayonida jamoat tarbiyachilarining voyaga yetmaganlar bilan individual ishlashi, ularning ta’lim olishi, bo‘sh vaqtini mazmunli tashkil etish borasidagi faoliyatiga e’tibor qaratildi.
Shuningdek, jamoat tarbiyachilarining amalga oshirgan ishlari bo‘yicha hisobotlari, individual ishlash dasturlari hamda belgilangan vazifalarning ijrosi tahlil qilindi.
Aniqlangan kamchiliklarni bartaraf etish, voyaga yetmaganlar bilan manzilli ishlashni kuchaytirish yuzasidan mas’ullarga tavsiyalar va vazifalar belgilandi.
📍 Mazkur o‘rganishlar O‘zbekiston Respublikasi Vazirlar Mahkamasining 2021-yil 3-iyundagi 339-son qarori talablari ijrosini ta’minlashga qaratilgan.