MAHALLA INFRATUZILMASINI YAXSHILASH ISHLARI O‘RGANILDI 

Xalq deputatlari Quva tuman Kengashi deputati O.Tillaeva, viloyat Kengashi
deputati M.Sayfidinova hamda Kengash kotibiyati bosh mutaxassisi M.To‘xtasinov
tomonidan “og‘ir” toifaga kiritilgan Toshkent mahalla fuqarolar yig‘inida
“Manzilli dastur” doirasida mahalla infratuzilmasini yaxshilash bo‘yicha amalga
oshirilayotgan ishlar holati o‘rganildi. 

O‘rganish davomida asosiy e’tibor mahallaning Muruvvat ko‘chasida elektr
ta’minotini yaxshilash bo‘yicha olib borilayotgan ishlarga qaratildi. Xususan,
“Effekt Elegant” MChJ tomonidan beton tayanch ustunlarini o‘rnatish hamda 4,7
kilometr uzunlikdagi elektr tarmog‘ini tortish ishlari amalga oshirilayotgani
o‘rganildi. 

Shuningdek, bajarilayotgan ishlarning sifati, belgilangan hajm va
talablarga muvofiqligi hamda ularni o‘z vaqtida yakunlash masalalariga e’tibor
qaratildi. 

O‘rganish yakuni bo‘yicha mas’ullarga ishlarni sifatli va belgilangan
muddatlarda yakunlash yuzasidan tegishli tavsiyalar berildi.