Xalq deputatlari Bo‘ston tumani Kengashi deputati K.Abduraxmonova tomonidan saylov okrugi hududidagi Gʻolib mahalla fuqarolar yig‘inida joylashgan bolalar o‘yingohida bolalar uchun yaratilgan sharoitlar nazorat-tahlil tartibida o‘rganildi.

O‘rganish davomida bolalar o‘yingohining holati, mavjud jihozlarning sozligi va ulardan foydalanish uchun yaratilgan sharoitlarga alohida e’tibor qaratildi.

Shuningdek, bolalarning bo‘sh vaqtini mazmunli o‘tkazishi uchun zarur sharoitlarni yanada yaxshilash, o‘yingoh hududini obodonlashtirish va xavfsizligini ta’minlash masalalari yuzasidan tegishli tavsiyalar berildi.

Deputatlik nazorati doirasida bolalar uchun yaratilgan shart-sharoitlarni yaxshilash, ularning bo‘sh vaqtini mazmunli tashkil etish hamda hududlarda bolalar infratuzilmasini rivojlantirishga qaratilgan ishlar davom ettiriladi.