Xalq deputatlari Pastdarg‘om tuman Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi ishchi guruhi tomonidan 937-sonli Qonun ijrosi yuzasidan navbatdagi o‘rganish amalga oshirildi.

O‘rganish davomida Kadastr agentligi Davlat kadastrlari palatasi Samarqand viloyat boshqarmasi Pastdarg‘om tuman filialida korrupsiyaning oldini olish, ochiqlik va shaffoflikni ta’minlash, davlat xizmatlarini ko‘rsatish sifati hamda qonun talablarining amaliy ijrosi tahlil qilindi.

Shuningdek, fuqarolar murojaatlari bilan ishlash, ichki nazorat tizimi, korrupsiyaviy xavf-xatarlarni kamaytirishga qaratilgan profilaktik chora-tadbirlar va sohaga oid hujjatlar ijrosi yuzasidan xodimlarning axborotlari tinglanadi.

O‘rganish yakunlari bo‘yicha aniqlangan holatlar yuzasidan tavsiya va takliflar ishlab chiqilib, qonun talablari to‘liq va samarali ijrosi ta’minlash bo‘yicha zarur vazifalar belgilandi.