Mahallani obod etish — barchamizning umumiy mas'uliyatimiz

Xalq deputatlari Sariosiyo tumaniKengashining “1-Sangardak” saylov okrugi deputati S.Qosimov hamda tuman Kengashi kotibiyati bosh mutaxassisi A.Nasriddinov boshchiligida tuman Kengashi deputatlari ishtirokida tumanda “Mahallada obodlik va mehr-saxovat oyligi” doirasida keng ko‘lamli hashar hamda obodonlashtirish ishlar davom ettirildi.
 

Shuningdek, har bir tuman Kengashi deputatlari tomonidan hududlarda 2026-yil – "Mahallani rivojlantirish va jamiyatni yuksaltirish yili" Davlat dasturi doirasida belgilangan vazifalar, mahallada obodonlashtirish va ko‘kalamzorlashtirish ishlarini jadallashtirish, "Mahallada obodlik va mehr-saxovat oyligi" doirasida amalga oshirilayotgan tadbirlarning mazmun-mohiyati yuzasidan batafsil tushuntirishlar berildi.
 

Muloqot davomida yurtimiz mustaqilligining 35 yilligini "Yagona Vatan, yagona xalq bo‘lib, yangi hayot va kelajak yaratamiz" g‘oyasi ostida munosib kutib olish maqsadida amalga oshirilayotgan bunyodkorlik va obodonlashtirish ishlari, ularda har bir fuqaroning faol ishtiroki va tashabbuskorligi muhim ahamiyat kasb etishi alohida ta'kidlandi.
 

Obod va farovon mahalla — aholi birdamligi, hamjihatligi va faol fuqarolik pozitsiyasi samarasidir. Bu boradagi targ‘ibot-tashviqot hamda amaliy ishlar izchil davom ettiriladi