Muloqot davomida keyingi yillarda hududlarda amalga oshirilayotgan yo‘l infratuzilmasini yaxshilash ishlari, davlat mablag‘lari hisobidan barpo etilayotgan asfalt qoplamalarini saqlash va ulardan oqilona foydalanish har bir fuqaroning mas’uliyati ekani alohida ta’kidlandi.

Shuningdek, yo‘llarni o‘zboshimchalik bilan qazish, turli kommunikatsiyalarni ruxsatsiz o‘tkazish yoki asfalt qoplamasiga zarar yetkazish nafaqat yo‘l sifatining yomonlashishiga, balki byudjet mablag‘larining samarasiz sarflanishiga ham sabab bo‘lishi qayd etildi. Fuqarolar bunday holatlar yuzaga kelganda tegishli tashkilotlar bilan kelishilgan tartibda ish olib borish zarurligi haqida ogohlantirildi.

Suhbat yakunida mahalla aholisi yangi bunyod etilgan infratuzilma obyektlarini asrash, obodonlashtirish ishlariga daxldorlik hissi bilan yondashish hamda hudud ravnaqiga hissa qo‘shish bo‘yicha o‘z fikr va takliflarini bildirdilar.

Obod mahalla – asralgan infratuzilma va fuqarolarning yuksak mas’uliyati bilan barpo etiladi.

️ Xalq deputatlari Samarqand shahar Kengashi