Joriy yil bahor mavsumida “Yashil makon” umummilliy loyihasi doirasida ekilgan ko‘chatlarning ayrim hududlarida bugungi kunda muntazam sug‘orish ishlari olib borilmayotgani kuzatildi. Mazkur holat yosh daraxtlarning saqlanib qolishi va ularning normal o‘sishiga salbiy ta’sir ko‘rsatishi mumkin.

✅Aniqlangan muammo yuzasidan tegishli mas’ul tashkilotlarga murojaat qilinib, ko‘chatlarni o‘z vaqtida sug‘orish va parvarishlash ishlarini tiklash bo‘yicha zarur choralar ko‘rish masalasi deputat nazoratiga olindi.

📝Xalq deputatlari Yunusobod tuman Kengashi hududlarni obodonlashtirish, ekologik muhitni yaxshilash hamda “Yashil makon” loyihasi doirasida amalga oshirilayotgan ishlar sifatli tashkil etilishi ustidan jamoatchilik va deputatlik nazoratini izchil davom ettiradi.

Bizni kuzatishda davom eting!