Tuman hokimi, Xalq deputatlari Ko‘kdala tuman Kengashi deputati X.Djurayev tumandagi tashkilot va korxona rahbarlari hamkorligida ishsiz yoshlar bilan ochiq muloqot o‘tkazdi.

Uchrashuv davomida yoshlarni doimiy ish bilan ta’minlash, ularni tadbirkorlik faoliyatiga keng jalb etish, kasb-hunar o‘rganishi uchun yaratilayotgan imkoniyatlar hamda oliy ta’lim muassasalariga kirishda mavjud imtiyoz va yengilliklar haqida batafsil ma’lumotlar berildi.

Shuningdek, yoshlarning muammo va takliflari tinglanib, ularning tashabbuslarini qo‘llab-quvvatlash, bandligini ta’minlash hamda hayotda o‘z o‘rnini topishiga ko‘maklashish yuzasidan tegishli mutasaddilarga aniq vazifalar yuklatildi.

Bunday ochiq muloqotlar yoshlar bilan ishlash tizimini yanada kuchaytirish, ularning jamiyatdagi faolligini oshirish va ertangi kunga bo‘lgan ishonchini mustahkamlashda muhim ahamiyat kasb etmoqda.