Xalq deputatlari Ishtixon tuman Kengashi deputati Raximov Mutallib Amirqulovich o‘zining 21-Yangikent saylov okrugidagi mahallalarda “Yashil makon” umummilliy harakat doirasida qilinayotgan ishlar bilan yaqindan tanishdi. Jumladan “Chaqar” mahalla fuqarolar yig‘ini Chaqar qishlog‘i hududida ekilgan manzarali va mevali daraxtlar holatini ko‘rib chiqdi. Mahalla raisi N.Ahmedov bilan xonadonlarda ekilayotgan bahorgi ekinlar holatini ham ko‘rib chiqishdi hamda o‘rni kelganda “Yashil makon” umummilliy harakatiga o‘zlari ham daraxt ekib hissalarini qo‘shishdi.