👥 Xalq deputatlari viloyat Kengashi deputati X.Davletov, tuman Kengashi deputati D.Shadanova, tuman Kengashi kotibiyati bosh mutaxassisi U.Ruzmetov hamda “Adolat” SDP tuman Kengashi raisi M.Abdiyazov ishtirokida tumandagi 53-ixtisoslashtirilgan davlat umumta’lim maktabida pedagog xodimlar bilan uchrashuv o‘tkazildi.

💬 Uchrashuv davomida ta’lim sifati va samaradorligini oshirish, yosh avlodni har tomonlama barkamol etib tarbiyalash hamda maktabda sog‘lom ma’naviy muhitni shakllantirish masalalari muhokama qilindi.

🏆 Tadbirda o‘quvchilarning tuman, viloyat va respublika bosqichlarida yuqori natijalarga erishishida munosib hissa qo‘shgan fidoyi ustozlar alohida e’tirof etilib, tashakkurnomalar bilan taqdirlandi.

🛡 Shuningdek, ta’lim muassasasida sog‘lom muhitni ta’minlash, korrupsiyaga qarshi kurashish va shaffoflikni qaror toptirish yo‘lida faollik ko‘rsatayotgan pedagoglar ham rag‘batlantirildi.

✨ Bunday e’tibor va e’tirof ta’lim tizimidagi islohotlar samaradorligini oshirishga, ustozlar nufuzini yuksaltirishga hamda yoshlarning bilim olishga bo‘lgan qiziqishini kuchaytirishga xizmat qiladi.