Bugun erta tongdan tumanimizning barcha mahallalarida “Obod va fayzli mahalla – yurt koʻrki” shiori ostida umumxalq hashari boshlab yuborildi.

- “Obod va fayzli mahalla – yurt koʻrki” shiori ostida oʻtkaziladigan xayriya hashari, Ramazon oyini munosib tarzda oʻtkazish, shuningdek, Navroʻz umumxalq bayrami arafasida koʻcha va mahallalar, xiyobonlar, ziyoratgohlar, qabristonlar hamda bolalar maydonchalarini obodonlashtirish, sogʻlom turmush tarzi, sanitariya-gigiyenik madaniyatni targʻib qilish, aholining ijtimoiy himoyaga muhtoj qatlamini qoʻllab-quvvatlash maqsadida tashkil etilmoqda.

- Ayni damda mahallalarda, qabristonlarda, katta yoʻl boʻylarida keng koʻlamli obodonlashtirish ishlari tashkil qilinib, daraxtlar oqlanmoqda, ortiqcha shox-shabbalar kesilib, atrof va ariq-zovurlar turli chiqindilardan tozalanmoqda.

- Hududlarda keng koʻlamli obodonlashtirish ishlari amalga oshirilib, mahallalardagi nuroniy onaxonlar boshchiligida bahoriy taomlar tayyorlanib, sumalak sayli tashkil qilinmoqda.