Xalıq deputatları Qaraózek rayonlıq Keńesi 10-A.Dosnazarov okruginen deputatı Saylawbay Íqlasov basshılıǵında 14-sanlı ulıwma orta bilim beriw mektepte ushırasıw bolıp ótti. Ushırasıwǵa puqaralar jıyını wákilleri, aymaqtaǵı sociallıq mákeme, shólkem wákilleri hám puqaralar, mektep oqıtıwshıları qatnastı. Ushırasıwda deputat S.Íqlasov shıǵıp sóylep, deputatlıq iskerligi boyınsha tanıstırıp, aymaqtı social-ekonomikalıq rawajlandırıw, jańadan qabıl etilgen nızam hám qararlar hámde mámleketlik baǵdarlamalardıń mazmunı, bilimlendiriw tarawındaǵı jańalıqlar haqqında toqtalıp ótti. Bunnan soń ushırasıw qatnasıwshılarınıń pikir hám usınısları tıńlanılıp, deputatlıq qadaǵalawǵa alındı.