Xalq deputatlari Oltinsoy tuman Kengashining “Shakarqamish” 17-saylov okrugidan saylangan deputati Tavasharov Xamro Ziyayevich Oltinsoy tumani “Shakarqamish”
mahallasi “Ibrat” ko‘chasida joylashgan, “Shakarqamish mirishkorlari” mas’uliyati cheklangan jamiyatiga qarashli bozorning bugungi kundagi holati bilan tanishdi. 

Tashrif davomida deputat bozor infratuzilmasi, savdo sharoitlari, tadbirkorlar va aholiga yaratilgan qulayliklar, shuningdek, sanitariya-gigiyena talablari bajarilishi bo‘yicha mavjud vaziyatni o‘rgandi. Mahalliy tadbirkorlar va fuqarolar bilan muloqotda bo‘lib, ularning fikr-mulohazalari va takliflarini tingladi. 

Tavasharov Xamro Ziyayevich joylarda aholining ehtiyoj va talablariga mos ravishda sharoitlar yaratish, bozor infratuzilmasini yanada takomillashtirish borasida mutasaddi tashkilotlar bilan hamkorlikda tegishli choralar ko‘rilishini ta’kidladi. 

Oltinsoy tumani Kengash Kotibiyati Axborot xizmati 

✅ Kanalga ulanish uchun: https://t.me/OltinsoyKengashkotibiyati