IG‘ILISHI: JAMOAT XAVFSIZLIGI VA TEXNIK MUHOFAZA TIZIMLARI HOLATI KO‘RIB CHIQILDI

DOIMIY KOMISSIYA Y

Xalq deputatlari Namangan shahar Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi yig‘ilishida shaharda jamoat xavfsizligini ta’minlash, jinoyatlarning oldini olish hamda zamonaviy texnik vositalardan samarali foydalanish borasida amalga oshirilgan ishlar ko‘rib chiqildi.

Taqdim etilgan ma’lumotlarga ko‘ra, hisobot davrida 2 237 ta ommaviy tadbirda jamoat tartibini saqlash choralari ko‘rilgan, ilgari ochilmay qolgan 132 ta jinoyat fosh etilgan va qidiruvda bo‘lgan 

155 nafar shaxs ushlangan.

Shuningdek, mahallalar va aholi yashash hududlarida videokuzatuv kameralari, yuz va transport vositalari davlat raqamlarini aniqlash tizimlari, domofonlar, xavotir tugmalari hamda boshqa texnik xavfsizlik vositalarini o‘rnatish bo‘yicha ishlar amalga oshirilgan. 

Yig‘ilishda ushbu vositalarning doimiy ishlashini ta’minlash, nosozliklarni o‘z vaqtida bartaraf etish va ulardan jinoyatchilikning oldini olishda samarali foydalanish zarurligi qayd etildi.

Doimiy komissiya tomonidan jamoat xavfsizligini mustahkamlash, mas’ul tashkilotlar hamkorligini kuchaytirish hamda texnik muhofaza vositalaridan foydalanish samaradorligini deputatlik nazorati asosida o‘rganib borish muhimligi ta’kidlandi.

Huquqiy asos: O‘zbekiston Respublikasining 2014-yil 14-maydagi O‘RQ-371-sonli “Huquqbuzarliklar profilaktikasi to‘g‘risida”gi Qonuni.