Xalq deputatlari Qo‘qon shahar Kengashining 18-“Navro‘z” saylov okrugidan saylangan deputati R.Talipdjanov tomonidan “Toshkentlik go‘zari” mahalla fuqarolar yig‘inida o‘rganish ishlari olib borildi.

O‘rganish davomida mahallaning Toshkentlik go‘zari ko‘chasi, 2-uyida istiqomat qiluvchi, Ijtimoiy reyestrga kiritilgan fuqaro A.Jamilova xonadoniga tashrif buyurildi. Tashrif davomida oilaning yashash sharoitlari, mavjud ehtiyojlari hamda ularga ko‘rsatilayotgan ijtimoiy yordamlar bilan yaqindan tanishildi.

Ma’lum bo‘lishicha, xonadonni ta’mirlash ishlari uchun 20 mln 30 ming so‘m mablag‘ ajratilgan. Ayni paytda ta’mirlash ishlarini boshlashga tayyorgarlik ko‘rilmoqda. Ushbu mablag‘ oilaning yashash sharoitlarini yaxshilash, uy-joyini ta’mirlash va yanada qulay muhit yaratishga yo‘naltirilgan.

Shuningdek, oila “Saxovat va ko‘mak” jamg‘armasi tomonidan ham qo‘llab-quvvatlangan. Jumladan, vaucher asosida oziq-ovqat hamda kiyim-kechak mahsulotlarini xarid qilish uchun moddiy yordam ko‘rsatilgan.

Xalq deputatlari Qo‘qon shahar Kengashi