Xomkon mahallasidagi mavjud muammolar va amalga oshirilayotgan ishlar o‘rganildi

Xalq deputatlari Surxondaryo viloyati Kengashining 9-«Tallimaron» saylov okrugidan saylangan deputati P. Bakirov hududida viloyat Kengashi kotibiyati mudiri Sh. Boyqulov tomonidan kunlik ish rejasiga muvofiq Angor tumani Xomkon mahallasida o‘rganish ishlari olib borildi.

O‘rganish davomida O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-son qarori ijrosini ta’minlashga qaratilgan vazifalar hamda «Mahalliy Kengash deputati faoliyatining eng muhim yo‘nalishlari bo‘yicha 24 ta tavsiya» asosida mahallada amalga oshirilayotgan ishlar tahlil qilindi.

Shuningdek, mahalla yettiligi a’zolarining o‘zaro hamkorligi, fuqarolar murojaatlari bilan ishlash, mavjud muammolarni aniqlash va ularni tegishli tashkilotlar bilan hamkorlikda bartaraf etish borasidagi faoliyatiga e’tibor qaratildi.

Jumladan, mahalladagi elektr energiyasi ta’minoti bilan bog‘liq muammolar o‘rganildi.Xususan, Xomkon mahallasidan 1 kilometr masofada piyodalar yo‘lakchasi qurilgani hamda 30 kilometr masofaga ichimlik suvi tarmoqlari tortilgani qayd etildi. Mazkur ishlar aholini toza ichimlik suvi bilan ta’minlash, fuqarolar uchun qulay yashash sharoitlarini yaratish va hudud infratuzilmasini yaxshilashga xizmat qilmoqda.

O‘rganish yakunida mahalladagi mavjud muammolarni bartaraf etish, aholi murojaatlarini o‘z vaqtida hal qilish hamda hududni rivojlantirishga qaratilgan ishlarni izchil davom ettirish muhimligi ta’kidlandi.