Xalıq deputatları Taxtakópir rayonlıq Keńesi janındaǵı «Sociallıq taraw, jaslar siyasatı, mádeniyat hám sport máseleleri boyınsha» turaqlı komissiya baslıǵı, rayonlıq Keńes deputatı Q.Jaliev ózine saylanǵan aymaqtaǵı 5-sanlı mektep basshıları hám klass basshıları menen ushırasıw ótkerdi.
Ushırasıwda Ózbekstan Respublikası Ministrler Kabinetiniń 2012-jıl 21-maydaǵı «Ózbekstan Respublikası bilimlendiriw mákemelerinde mobil telefonlardan paydalanıwdı tártipke salıw ilajları haqqında»ǵı 139-sanlı qararınıń qosımshası menen tastıyıqlanǵan «Ózbekstan Respublikası bilimlendiriw mákemelerinde mobil telefonlardan paydalanıw tártibi haqqındaǵı Reje (Nizom)» talapları tiykarında ulıwma bilim beriw mekteplerinde oqıtıwshılardıń hám oqıwshılardıń qol telefonlardan paydalanıw tártibine qatań ámel qılıwda oqıtıwshılar menen ata-analardıń juwapkershiligin arttırıw boyınsha usınıslar berildi.