O‘RQ-641-son Qonuni ijrosi yuzasidan o‘rganish ishlari olib borildi

Xalq deputatlari Pastdarg‘om tuman Kengashi deputati M. Kilichov tomonidan O‘zbekiston Respublikasining “Nogironligi bo‘lgan shaxslarning huquqlari to‘g‘risida”gi O‘RQ-641-son Qonuni ijrosi yuzasidan o‘rganish ishlari olib borildi.

Mazkur qonunda nogironligi bo‘lgan shaxslar uchun qulay va to‘siqlarsiz muhit yaratish, ularga teng imkoniyatlar taqdim etish uchun zarur shart-sharoitlarni ta’minlash belgilangan.

Shu maqsadda Samarqand–Kattaqo‘rg‘on avtomobil yo‘li bo‘yida joylashgan yoqilg‘i quyish shoxobchasidagi sanitariya-gigiyena xonalari hamda nogironligi bo‘lgan fuqarolar uchun yaratilgan shart-sharoitlar o‘rganildi.

Monitoring davomida infratuzilmaning qonunchilik talablariga muvofiqligi, kirish-chiqish imkoniyatlari, maxsus jihozlar va yaratilgan qulayliklar holati tahlil qilindi.

O‘rganish yakunida aniqlangan kamchiliklarni bartaraf etish, xizmatlar sifatini yanada yaxshilash bo‘yicha tavsiyalar berildi.
🇺🇿Rasmiy sahifalarimiz! ✔️