Тикувчилик орқали хотин-қизлар бандлиги таъминланмоқда
Халқ депутатлари Янгиқўрғон тумани Кенгаши депутати, туман ҳокими Нажмиддинов Асадулла Икромович «Қорасув» маҳалласи «Тошкент» кўчасида тадбиркор Ойдина Муҳаммедова томонидан ташкил этилган тикувчилик цехи фаолияти билан танишди.
Буюртма асосида сочиқ, камзул каби маҳсулотлар тайёрланаётган мазкур цехда Ижтимоий реестр ва «Аёллар дафтари»да рўйхатда турган 10 нафар хотин-қизнинг бандлиги таъминланган. Шунингдек, кооперация усулида яна 13 нафар аёл ўз хонадонида камзул тикиб, даромад топмоқда.
Ўрганиш давомида депутат томонидан цех фаолиятини кенгайтириш, янги иш ўринлари яратиш ҳамда хотин-қизларнинг доимий даромад манбаларини кўпайтириш масалаларига эътибор қаратилди.
Мазкур ўрганиш «24 та тавсия»да белгиланган аҳоли бандлигини таъминлаш, тадбиркорликни қўллаб-қувватлаш ва оилалар даромадини ошириш йўналишидаги депутатлик фаолияти билан ҳамоҳангдир.
Бундай ташаббуслар хотин-қизларнинг касб-ҳунар орқали даромад топиши, оилалар фаровонлигини юксалтириш ва маҳаллада тадбиркорликни ривожлантиришга хизмат қилади.