Xalq deputatlari Yangiobod tumani Kengashi deputati S.Xojiyev tomonidan Sarmich mahallasida mahalla tashkilotlari vakillari bilan birgalikda oilaviy ajrimlarning oldini olish, oilalarda sog‘lom ma’naviy-ijtimoiy muhitni shakllantirish hamda nizoli oilalar bilan manzilli ishlash masalalari muhokama qilindi.

Muloqot davomida mahallada ajrim yoqasiga kelib qolgan va oilaviy nizolar mavjud xonadonlar bilan olib borilayotgan ishlar, oilaviy muammolarning kelib chiqish sabablari hamda ularni barvaqt aniqlash va bartaraf etish masalalariga e’tibor qaratildi.

Shuningdek, oilalarda o‘zaro hurmat va kelishuv muhitini mustahkamlash, er-xotin o‘rtasidagi nizolarni murosali yo‘l bilan hal etish, farzandlar manfaatlarini himoya qilish hamda muammoli oilalarni tegishli mutaxassislar ko‘magiga yo‘naltirish bo‘yicha fikr almashildi.

Mahalla vakillari bilan hamkorlikda nizoli va ajrim xavfi mavjud oilalarni alohida nazoratga olish, ularning muammolarini o‘rganish, zarur hollarda psixologik, huquqiy va ijtimoiy ko‘mak ko‘rsatish hamda oilalarni yarashtirishga qaratilgan manzilli ishlarni kuchaytirish yuzasidan takliflar bildirildi.

Muhokama yakunida oilaviy ajrimlarning oldini olish, oilalardagi mavjud muammolarni o‘z vaqtida aniqlash va ularni bartaraf etish, ayniqsa, yosh oilalar bilan profilaktik va tushuntirish ishlarini kuchaytirish bo‘yicha aniq chora-tadbirlar belgilab olindi.