Deputat o‘zi saylangan hududda aylanib yuribdi.
Yo‘lning bir qismi buzilgan.
Ko‘cha chiroqlari ishlamaydi.
Ariq chiqindiga to‘lgan.
Lekin... 📩 hech kim murojaat qilmagan.
Hech kim deputat qabuliga kelmagan.
Hech kim: “Shuni hal qilib bering”, — demagan.
Savol:
Deputat murojaatni kutishi kerakmi?
Aslida, shu savol deputatlik faoliyatining ikki xil modelini ko‘rsatadi:
1. «Murojaat kelsa — ishlayman» modeli.
Muammo → murojaat → deputat → chora.
2. «Muammoni o‘zim qidiraman» modeli.
Deputat → hudud → muammo → deputatlik ta’sir chorasi → natija.
Ikkalasida ham deputat ishlayapti.
Ammo ikkinchisida muhim bir farq bor:
MUAMMO DEPUTATNI EMAS, DEPUTAT MUAMMONI TOPADI.
Balki, deputatlik nazoratining eng muhim ko‘rsatkichlaridan biri ham shudir:
deputatga nechta murojaat kelgani emas, murojaatga aylanib ulgurmagan nechta muammoni o‘zi aniqlagani.