PROKURATURA HISOBOTI ESHITILDI

Xalq deputatlari Namangan shahar Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi yig‘ilishida shahar prokuratura organlarining hisoboti eshitildi.

Hisobotda hududda qonun ustuvorligini ta’minlash, huquqbuzarliklarning oldini olish, jinoyatchilikka qarshi kurashish hamda profilaktik tadbirlar samaradorligini oshirish borasida amalga oshirilayotgan ishlar yuzasidan batafsil ma’lumot berildi.

Yig‘ilish davomida ushbu yo‘nalishda mavjud muammo va kamchiliklar atroflicha muhokama qilinib, ularni bartaraf etish yuzasidan tegishli tavsiyalar ishlab chiqildi.

Yakunida ijro intizomini kuchaytirish hamda belgilangan vazifalarni o‘z vaqtida va sifatli amalga oshirish bo‘yicha aniq topshiriqlar belgilab olindi.