YOSHLAR O‘RTASIDA HUQUQIY MADANIYATNI YUKSALTIRISH VA QONUN IJROSI O‘RGANILDI

Xalq deputatlari Qo‘shko‘pir tumani Kengashi deputati B. Jabborovga biriktirilgan qonunlar ijrosi doirasida O‘zbekiston Respublikasining Ma’muriy javobgarlik to‘g‘risidagi kodeksining VII bobi — mulkka tajovuz qiluvchi huquqbuzarliklar uchun ma’muriy javobgarlik hamda XI bobi — transportda, yo‘l xo‘jaligi va aloqa sohalaridagi huquqbuzarliklar uchun ma’muriy javobgarlik to‘g‘risidagi normalarning ijrosini o‘rgandi.
Shuningdek, Ixtisoslashtirilgan ta’lim muassasalari agentligi tizimidagi Qo‘shko‘pir tumani ixtisoslashtirilgan maktabida Qo‘shko‘pir tumani JXX HPB katta leytenanti B. Sadullayev ishtirokida davra suhbati tashkil etildi.
Uchrashuv davomida o‘quvchilarning huquqiy ongi va huquqiy madaniyatini yuksaltirish, huquqbuzarliklarning oldini olish, qonunlarga hurmat ruhini shakllantirish masalalari muhokama qilindi.
Shuningdek, o‘quvchilarga ta’lim jarayonida muntazam qatnashish, o‘qishga mas’uliyat bilan yondashish, atrof-muhitni muhofaza qilish, internet va ijtimoiy tarmoqlardan xavfsiz foydalanish hamda kiberxavfsizlik qoidalariga rioya etish yuzasidan tushuntirishlar berildi.